وسط گلبی یظل طابع وسمهه
عسل صافی حلو مرهاوسمهه
صفیت متیه باسمی وسمهه
لان هیه النجم وانی الثریه
بسک لا تضل تشکی بهاماک
وتلوم العین وتعضعض بهاماک
اخذ طبع النخل وارفع بهاماک
واذا بالطین عرکک های هیة
وحک رمضان وأشرافه وکتبه
علیک یهل دمع عینی وکتبه
انه شمارید أهم خطک واکتبه
شدهنی جفاک من غصبن علیه
وحگ اعیونک ورسمک وداعک
وحگ جلماتک الحلوه وداعک
یصاحب فرهَد ابروحی وداعک
انتلف ثلثین والباقی باذیه
کلبی مافرح عکـــــــــــبک ولاسار
وجدمی ماخطى الغیرک ولاسار
اخبرک مابقت جلمه ولاسار
فضحنی الدمع من غصـــبن علیه
جفک ارد اضوکن مستـــــــمرة
وغیرک لو یمسنی مســــــتمرة
یبو الضحکة البوجهک مستمرة
مسنی واکطع الحجة علــــــــیة
احبک مو فقط تــــــــاکید والا
یحبی مو زمــــان الفات ولة
ارید اسال نسیت اهواک ولة
عفتنی وفــــضلت اخر علیة
شعرک سرح عینن مــــــای راشی
وعسى رمشی بدونک ما یرى شی
کلی الفوک شـــــــفتک مای؟راشی؟
ردت اتضوکة واغمی عـــــــــــلیة
عیونی قبل کلبی کلمنــــــــکم
وانة المایوم کلبی کل مـــنکم
وانة اللی صار بیة کلة منکم
لان انتم لعبتم طوبــــــــة بیة
سهم هجرک بلب حشای وسم
یخایب لیش بیة تبیع وتسوم
اخیر الروح بین الخنک والسم
سم وخنک رادتهن سویة....
سکر کأس الخمر من ضاک نفسک
واکو غیرک حلو بس ماکو نفسک
اریدک یا حبیبی اتبوس نفسک
بس ابداخلک تنویها الیه
حزن غیر المصایب فاتحت من
وسهمک وسط کلبی فات حتمن
کتلتنی وجای تنشد فاتحتة من
ولا جنک فتت جناز بیه
یصاحب لاتظن مسرور بعداک
وعسى سم الزهر یندار بعداک
شیطفی الکلب من نار بعدک
یطفیها الوکت من ترد لیه
تغیب الروح بغیابک واردها
کتاب جفاک من عندک وردها
روحی بفرکتک یذبل وردها
شمس انت وتنور الدرب لیه
تلوعنة وشفنه کل حلاوتهم ومرهم
تعال اسمع ون النایات وون عود
یخویه امشی نرد للوطن ونعود
اذا باجر متت بالغربه ون عود
وتظل ابعید عن ارض الوطیه
روحی من الهجر عجزت ولابت
حلفت بدار ماأنزل ولا بیت
ذکرک مابقى بقلبی ولا بد
انکطعت من کطعت الوصل بیة
تلوج الروح یاأحبــابی وراکم
وعجاج الضعن سد عینی وراکَم
یدمرنی الحلم بیکم وراکم
ویریت الحلم والیقــضه سویه
حبک شامة بخدودی ودکة
واحط بالکلب بسمارک وادکة
شکم دکة شفت منک ودکة
ورغم کل هذا حبک موبدیة
مثل جنح الفراشه شفاک ورقه
وربیع الشوک منک راد ورقه
کل بوسه حبیبی اطیک ورقه
واذا حلک ابحلک دفتر هدیه
سکر کأس الخمر من ضاک نفسک
واکو غیرک حلو بس ماکو نفسک
اریدک یا حبیبی اتبوس نفسک
بس ابداخلک تنویها الیه
سهام عینک بکلبی حیل شرعا
وسفن حبک بخلیج الروح شرعا
وردت مذهب یحلل بوس شرعا
واذا ماکو ارد للجاهلیه
غزل عینک رهن روحی وجرهه
وشعل نیران البکلبی وجرهه
ارید اتمسک بشفتک واجرهه
حتى انقل ذنوب البیک الیة
نشم عطرک یاغالی من هوأنه
ونحب کلمن یحبنه ومن هوأنه
اشتظن اکدر اعوفک منهو أنه
اذا عفتک مصیبه تحل علیه
یراهى الطول طولک من رهاته
حط اه بدلیلى مرهاته
ولک لیدیه جفک مره هاته
ولو بالغلط خلى ایدک بدیه
یصاحب لاتظن مسرور بعداک
وعسى سم الزهر یندار بعداک
شیطفی الکلب من نار بعدک
یطفیها الوکت من ترد لیه